أهم 6 علامات للعائلات المؤذية وازاي تتعامل معاهم- Shekhawati Rides


لو بتحس دايمًا، لما تروح البيت، انك مش في أفضل حال ومضايق، فممكن تكون عيلتك ضمن العائلات المؤذية. احنا عايزين نقول إن الناس المؤذية، بشكل عام، بتستنزف من طاقة أي شخص، ولو انت بتعاني بالفعل في الشغل أو الجامعة من ناس مؤذية، وتروح تلاقي عيلة مؤذية، ده هيكون من أصعب الحاجات.

علامات العائلات المؤذية

عشان احنا عارفين إن صعب عليك تعرف انت في عيلة مؤذية ولا لأ، هنقولك على  6 علامات ممكن من خلالهم تعرف انت في عيلة مؤذية ولا لأ.

الغيرة



احنا عارفين إن ده ممكن يكون غريب، ولكن العائلات المؤذية عارفة ده كويس، وهو إن كل أفراد العيلة بيغيروا من بعض، بدايةً من الأب للأم للإبن للإبنة، حتى الأم بتغير من بنتها، والعكس صحيح. احنا عارفين ان ممكن يكون الموضوع سخيف إن حد كبير يغير من طفل عنده 12 سنة مثلًا، لكن ده بيحصل في العائلات المؤذية.

المقارنة

لو انت في عيلة مؤذية، ممكن تفتكر معانا موقف، مامتك بدأت تقولك شوف ابن خالتك عمل ايه، أو شوفي بنت خالتك عملت ايه. على الرغم إن من البديهات إننا نتكلم عن إن الناس مختلفة، وكل واحد ليه قدراته ومميزاته اللي بتخليه مختلف عن الآخرين. 

لكن، في العائلات المؤذية ده شيء طبيعي، وهو المقارنة، المقارنة مع قرايبك المقارنة مع أختك أو أخوك، المقارنة بالأب، المقارنة بالأم، مقارنات باستمرار، للدرجة اللي هتحسسك انك أقل من غيرك.

الحدود

على الرغم إن من الطبيعي يكون ليك حياتك الشخصية، ومساحتك الخاصة، لكن في العائلات المؤذية ده مش طبيعي، ولكن الطبيعي أن حياتك الشخصية (مخترقة)، هم مسموح لهم يعملوا فيها أي حاجة تحت (مسمى) احنا خايفين عليك وبنحبك.

هم دايمًا على حق

بالظبط كده، العيلة اللي شايفها ان دايمًا معاها الحق، وما بتتناقش معاك، تبقى عيلة مؤذية. ولو انت عيلتك مؤذية، افتكر معانا، كام مرة اعترض باباك على انك بتخرج مع فلان أو فلانة كتير لأنهم ناس مش كويسة. 

لو هو قعد معاك وسمع رأيك، وبدأتوا تتناقشوا، فانت بعيد عن العائلات المؤذية، لكن لو العكس، فانت كده في خطر.

الإنذارات

من المفترض يكون حب الأب والأم غير مشروط، مش كده؟ لو انت في عيلة مؤذية، فبالتأكيد، سمعت كذا مرة، لو معملتش كده، فأنت لابني ولا اعرفك. العائلات المؤذية، دايمًا بتهددك، وبتحسسك انك في توتر مستمر، وده اللي بيأثر على ثقتك في الناس التانية.

استنزاف طاقتك

هل بتحس بإرهاق دايمًا لما تتكلم مع أي حد في عيلتك؟ احنا هنا مش بنتكلم عن الإرهاق الطبيعي، انك عايز تقعد لوحدك شوية، ممكن الناس الانطوائية تحس بده، ولكن اللي نقصده، انك بتحس انك مهما عملت واتكلمت، مفيش نتيجة، هتفضل بس في دراما كتير، هتستنزف طاقتك.

الحل ايه؟

بعد ما اتكلمنا عن 6 علامات تساعدك تعرف انت في عيلة مؤذية ولا لأ، هنتكلم دلوقتي عن 4 حلول ممكن تساعدك، تتعامل مع الوضع الحالي.

حدد مساحتك الشخصية

بعد ما عرفت، انك في عيلة مؤذية، وإن التعامل معاهم بيستنزفك وبيأثر عليك بالسلب، فانت محتاج تحدد مساحة التعامل معاهم، بمعنى؟

احنا منقصدش هنا انك تنفصل عن عيلتك، أو متتعاملش معاهم نهائي، ولكن اللي نقصده، إنك محتاج تحدد الحدود اللي تناسبك معاهم، بحيث ميحصلش تأثير سلبي عليك، وفي نفس الوقت انت متأثرش عليهم بالسلب.

غير الموضوع

في العادة، العائلات المؤذية، بيكون في موضوع معين، كل شوية بيفتحوه معاك، عشان كده انت محتاج متنجرفش ورا أي محفزات بيعملوها، عشان يدخلوك في جدال طويل ملوش أي نتيجة. بمعنى؟ أول ما يتفتح الموضوع ده، اقطع الكلام بأسرع طريقة، واتكلم في موضوع تاني.

الملل

في العادة، الناس المؤذية، لو ملقتش الشخص اللي قدامها بينفعل على الكلام اللي بيقولوه، وحسوا بملل وزهق، هيبطلوا كلام، ودي تعتبر وسيلة سهلة، محتاجة منك شوية تمثيل، وصوت واحد (رتيب)، ومواضيع مملة، وإجابات قصيرة وعامة.

احفظ جملة

اللمبي

بمعنى؟ احنا عارفين انك مش عارف ممكن امتى العيلة هتبدأ تتخانق معاك، فعشان كده انت لازم تكون مستعد بجملة زي “عندك حق” أو “هفكر في الموضوع”، واللي هتساعدك تتخطى الخناقة بدون أي أذى نفسي عليك.

في النهاية، عايزين نقول، إن أصعب حاجة في الدنيا، إن بيتك اللي هو المكان الآمن اللي بتستريح فيه، يكون فيه عيلة مؤذية بتستنزف طاقتك، وبتحسسك انك أقل من غيرك، ولكن احنا قلنا لك في المقال ده على 4 حلول ممكن تساعدك عشان تتخطى الموضوع.

قولنا في التعليقات على حلول تانية للتعامل مع العائلات المؤذية؟

This put up is auto generated. All Supplies and emblems belong to their rightful homeowners, all supplies to their authors. If you’re the proprietor of the content material and are not looking for us to publish your articles, please contact us by e mail – [email protected] . The content material might be deleted inside 48-72 hours.( possibly inside Minutes)



Disclaimer: We at www.shekhawatirides4u.com request you to have a look at movement photos on our readers solely with cinemas and Amazon Prime Video, Netflix, Hotstar and any official digital streaming firms. Don’t use the pyreated internet web site to acquire or view on-line.

Download Server 1

Download Server 2

Keep Tuned with shekhawatirides4u.com for extra Entertainment information.

Leave a Comment

Takonus Thala bhula news Free online video downloader sociallyTrend filmypost24Choti Diwali Wishes Jaipur Dekho Socially Keeda